काठमाडाैं । एनआईसी एशिया बैंकका ग्राहकले र्याडिसन होटलमा विशेष छुट पाउने भएका छन्।
छुट सम्बन्धमा होटल र बैंकबीच सम्झौता सम्पन्न भएको छ। बैंकका ग्राहकले काठमाडौंमा रहेको यस होटलमा सेवा लिई डिजिटल भुक्तानी गर्दा २० प्रतिशतसम्म छुट प्राप्त गर्न सक्ने बैंकका प्रमुख सूचना अधिकारी अर्जुन राज खनियाले जानकारी दिए।
यस बैंकका ग्राहकले र्याडिसन होटलमा सेवा लिँदा खाना तथा पेय पदार्थ तथा फिटनेस सेन्टर (जीम)मा २० प्रतिशत छुटको सुविधा प्राप्त गर्न सक्ने सम्झाैतामा उल्लेख छ।
एयरपाेर्ट लाउन्ज, रेष्टुरेन्टऽ स्पालगायतमा १५ प्रतिशत छुट हुने बताइएकाे छ।
यस सुविधाको उपभोग गर्न बैंकका ग्राहकले यस एनआईसी बैंककाे डेबिट कार्ड, क्रेडिट कार्ड वा प्रिपेड कार्ड प्रयोग गरी वा मोबैंक एपमार्फत भुक्तानी गर्नुपर्ने छ।
होटलसँगको यस सहकार्यले ग्राहकलाई छुट उपलब्ध हुनुको साथै मुलुकको डिजिटल भुक्तानी सेवालाई प्रवद्र्धन गरी नगदरहित कारोबारमा सहयोग पुग्ने बैंकले विश्वास लिएको छ।
एनआईसी एशिया बैंक र्याडिसन होटल
