काठमाडौं । काठमाडौं महानगरपालिकाका पूर्व मेयर पिएल सिंहको निधन भएको छ। उनको आज ८७ वर्षको उमेरमा उपचारका क्रममा निधन भएको पारिवारिक स्रोतले जनाएको छ। नेपाली कांग्रेसका नेता सिंह आन्द्राको समस्याबाट उपीडित थिए।
उनको पार्थिव शरीर श्रद्धाञ्जलिका लागि आज बिहान ११ सम्म निवास चक्सिबारीमा राखिने र त्यसपछि कांग्रेस केन्द्रीय कार्यालयमा दुई घन्टासम्म राखिने बताइएको छ। सिंहको आजै अन्त्येष्टि गरिनेछ।
यसैबीच काठमाडौं महानगरपालिकाले पनि आज शोक बिदा दिएको छ। अत्यावश्यक सेवाबाहेक काठमाडौँ महानगरपालिका र मातहतका कार्यालयहरुमा शोक बिदा दिइएको महानगरले जनाएको छ।
