काठमाडौं २२ फागुन । आज फागुपूर्णिमा अर्थात होली पर्व देशभर धुमधामका साथ मनाइँदैछ।
असत्यमाथि सत्यको विजयको प्रतिक एवं पारीवारिक एवं सामाजिक एकताको पर्वका रूपमा यो पर्व हर्षोल्लासका साथ हिमाल–पहाड र तराईमा मनाइने गरिन्छ।
फरक फरक दिनमा मनाइने होली पर्वका अवसरमा प्रधानमन्त्री पुष्पकमल दाहालले आम देशबासीलाई शुभकामना व्यक्त गरेका छन्।
उनले भनेका छन्, ‘असत्यमाथि सत्यको विजयको प्रतीक, पारीवारिक एवं सामाजिक एकताको पर्वका रूपमा हर्षोल्लासका साथ हिमाल, पहाड र तराईमा फरक फरक दिनमा मनाइने होली पर्व २०७९ को सुखद् उपलक्ष्यमा स्वदेश तथा विदेशमा रहनुभएका समस्त दिदीबहिनी तथा दाजुभाइहरूमा हार्दिक शुभकामना व्यक्त गर्दछु।’
