काठमाडौं । गायिका मिलन नेवारको सुमधुर स्वरमा सजिएको रोमान्टिक गीत ‘हेरेको तिमीलाई’ सार्वजनिक भएको छ।
युवा प्रेम र आकर्षणको भावनालाई व्यक्त गरिएको यस गीतमा शब्द बिष्णुबाबु देवकोटाको रहेको छ।
संगीत टिका दहालको रहेको छ। गीतमा राहुल प्रधानले संगीत संयोजन गरेका हुन्। भिडियोमा गायिका एवम मोडल सिम्पल खरेल र मोडल कुन्साङ बोम्जन बिचको अन्स्क्रिन प्रेम र रोमान्स देख्न सकिन्छ।
उत्तम हुमागाईले छायाँकन गरेको यस भिडियोलाई हरि हुमागाईले सम्पादन गरेका हुन्।
छायाँकन, सम्पादन र निर्देशकीय पक्षबाट भिडियोको काम उत्कृष्ट बनाउने कोसिस गरिएको निर्माण टिमले बताएको छ।
गीत तथा म्युजिक भिडियोले दर्शक स्रोताबाट माया पाउने विश्वास निर्माण टिमको छ।
