सिन्धुली,९ पुष । सिन्धुलीमा मोटरसाइटल दुर्घटना हुँदा दुईजनाको मृत्यु भएको छ । वीपी राजमार्गअन्तरगत सिन्धुलीको सुनकोसी गाउँपालिका- ३ बोहोरेटारमा सोमबार बिहान बस र मोटरसाइकल ठोक्किदा दुईजनाको घटनास्थलमै मृत्यु भएको सिन्धुली प्रहरीले जनाएको हो ।
रामेछापको मन्थलीबाट काठमाडौंतर्फ जाँदै गएको बा.प्र.०१–००६ ख ४५९३ नम्बरको बस र विपरीत दिशाबाट आउँदै गरेको बा ६० प ३५४५ नम्बरको मोटरसाइकल ठोक्किदा मोटरसाइकल चालक अन्दाजी २४र२५ वर्षीय पुरुष र सोही मोटरसाइकलको पछाडी सवार दिक्तेल नगरपालिका- १० खोटाङका १८ वर्षीय मुनाकला राईको मृत्यु भएको जिल्ला प्रहरी कार्यालय सिन्धुलीका प्रवक्ता चिरन्जीवी दाहालले जानकारी दिए ।
दुर्घटनापछि बसलाई नियन्त्रणमा लिइ इलाका प्रहरी कार्यालय खुर्कोटमा राखिएको छ ।
