Logo
२१ असोज २०७९, शुक्रबार

सरकारले रकम दिएन, नेपालगञ्जमा डायलाइसिस सेवा बन्द, मर्कामा बिरामी

अक्षरपाटी
२०७९ भदौ २० , सोमबार ०३:०९ मा प्रकाशित

बाँके। बाँकेको कोहलपुरस्थित नेपालगञ्ज मेडिकल कलेजमा बिरामीलाई अत्यावश्यकपर्ने डायलाइसिस सेवा बन्द भएको छ। सरकारले दिनुपर्ने रकम नपाएको भन्दै डायलाइसिस सेवा बन्द गरिएको हो।

नेपालगञ्ज मेडिकल कलेजमा दैनिक १८ देखि २० जनासम्मको डायलाइसिस हुँदै आएको थियो। सेवा बन्द भएपछि बिरामी मर्कामा परेका छन्।

नेपालगञ्ज मेडिकल कलेजमा डायलाइसिस सेवाको जिम्मा पाएको वीरङ्ग हेल्थ केयर प्रालीले गत शुक्रबारदेखि डायलाइसिस सेवा बन्द गरेको हो।

वीरङ्ग हेल्थ केयरका व्यवस्थापक शिशिर शाहले एक वर्षदेखि भुक्तानी नपाएकाले बाध्य भएर शुक्रबारदेखि डायलाइसिस सेवा बन्द भएको बताए।

गत आर्थिक वर्षदेखि चालू आर्थिक वर्षको भदौसम्मको गरी करिब दुई करोड नपाएको र उधारो माग्ने ठाउँ पनि सकिएपछि सेवा रोकियो शाहले बताए।

शाहका अनुसार बिरामीले अस्पतालमा जतिपटक डायलाइसिस गराए पनि एकपटकको दुई हजार पाँच सयका दरले निःशुल्क सेवा पाउँछन्। यो सेवा दिएबापत सरकारले सम्बन्धित अस्पताललाई रकम उपलब्ध गराउँछ।

नेपालगञ्ज मेडिकल कलेज

ट्रेन्डिङ ( साप्ताहिक )