Logo
२० माघ २०७९, शुक्रबार

जारी टि–२० लिगमा भएको म्याचफिक्सिङका विषयमा छानबिन गर्न गृहको निर्देशन

अक्षरपाटी
२०७९ पुस १९ , मंगलबार ०९:०१ मा प्रकाशित

काठमाडौं। जारी टि–२० लिग क्रिकेट प्रतियोगितामा म्याचफिक्सिङ भएकोबारे सामाजिक सञ्जाल तथा पत्रपत्रिकामा आएका समाचारका विषयमा सत्यतथ्य छानबिन गरी आवश्यक कारबाही गर्न गृह मन्त्रालयले प्रहरीलाई निर्देशन दिएको छ।

मन्त्रालयले एक विज्ञप्ति जारी गरी उपप्रधानमन्त्री तथा गृहमन्त्री रवि लामिछानेको निर्देशानुसार म्याच फिक्सिङ भएको, आयोजक सम्पर्क बाहिर रहेको, खेलाडीको पारिश्रमिकमा अनियमिता भएको जस्ता समाचार आइरहेकाले त्यसको आवश्यक छानबिन गर्न प्रहरीलाई भनेको हो।

‘टि–२० लिग क्रिकेट प्रतियोगिताका बारेमा सामाजिक सञ्जाल तथा पत्रपत्रिकामा आयोजक सम्पर्क बाहिर गएको, खेलाडीको पारिश्रमिकमा अनियमितता भएको र स्पट फिक्सिङ भएको जस्ता समाचार निरन्तररुपमा आइरहेकाले सो विषयमा के–कसो भएको हो आवश्यक छानबिन गरी जो–जे गर्नुपर्ने हो, यथाशीघ्र गर्नु गराउनहुन उपप्रधानमन्त्री तथा गृहमन्त्रीको निर्देशानुसार अनुरोध छ’, मन्त्रालयद्वारा जारी विज्ञप्तिमा उल्लेख छ।

यही पुस ९ गतेदेखि त्रिवि मैदानमा सो प्रतियोगिता जारी छ। प्राप्त निर्देशनको आधारमा प्रहरीले अनुसन्धान सुरु गरिसकेको जनाइएको छ।

गृहमन्त्री रवि लामिछाने