धनकुटा २९ पुस। शुक्रबार अबेर साँभ धनकुटाको सिँधुवा बजारमा भीषण आगलागी भएको छ।
छथर जोरपाटी गाउँपालिकामा पर्ने सिँधुवा बजारमा साँझ ७ बजेबाट आगलागी भएको स्थानीय बासिन्दाले जनाएका छन्।
सो आगलागीमा काउली चोकमा रहेका पाँच घर जलेर नष्ट भएको प्रहरीले जनाएको छ।
आगो निभाउन छिमेकी जिल्ला तेह्रथुमको लालिगुँरास नगरपालिकाको दमकल र छथर जोरपाटी गाउँपालिकाको डोजरको प्रयोग भएको स्थानीयले बताएका छन्।
अबेरसम्म आगो निभाउन नसकिएकाले क्षतिको पूर्ण विवरण आउन बाँकी रहेको प्रहरीले जनाएको छ।
तस्विर : सांकेतिक
आगलागी धनकुटा
