काठमाडौं। सूर्यज्योति लाइफ इन्स्योरेन्सले आगामी जेठ ४ गतेका लागि साधारणसभा आह्वान गरेको छ।
सञ्चालक समितिको सोमबार बसेको बैठकले विराटनगरमा बस्ने गरी १५औँ साधारणसभा बोलाएको हो।
सो सभाले संस्थापक सेयरधनी समूहबाट सञ्चालक समितिमा प्रतिनिधित्व गर्ने ३ जना सञ्चालक र सर्वसाधारण सेयरधनी समूहबाट प्रतिनिधित्व गर्ने ३ जना सञ्चालकको निर्वाचन गर्नेछ।
सञ्चालक समितिमा रिक्त स्वतन्त्र सञ्चालकको पदमा भएको नियुक्तिको जानकारी तथा अनुमोदन पनि सभाले गर्नेछ।
साबिक ज्योति लाइफ इन्स्योरेन्सले सामाजिक उत्तरदायित्त्व अन्तर्गत गरेको खर्च पनि अनुमोदन गर्नेछ।
