नुवाकोट । भदौ १० गते आएको बाढीले त्रिशूली नदीमाथिका अधिकांश पुल बगाएपछि प्रभावित बनेको नुवाकोटको यातायात तथा आवागमन सहज बनाउन नेपाली सेनाले देवीघाटमा एक्रो ब्रिज निर्माणको काम तीव्र बनाएको छ ।
विदुर नगरपालिका–५, देवीघाटस्थित तादी नदीको पुल तथा सडक संरचनामा बाढीले क्षति पुर्याएपछि नेपाली सेनाको इन्जिनियरिङ फौजले वैकल्पिक आवागमनका लागि एक्रो ब्रिज निर्माण गरिरहेको हो ।
सेनाका अनुसार ६० मिटर लामो, ५.५ मिटर चौडा र ५० टन भारवहन क्षमता भएको पुल निर्माण भइरहेको छ ।
पुल निर्माण सम्पन्न भएपछि देवीघाटसहित आसपासका बस्तीमा यातायात तथा आवतजावत सहज हुने अपेक्षा गरिएको छ । सेनाले केही दिनभित्रै पुल सञ्चालनमा ल्याउने गरी निर्माणलाई तीव्रता दिएको जनाएको छ ।
एक्रो ब्रिज देवीघाट नुवाकोट
