काठमाडौं । नेपाली बजारमा सुनको भाउ बिहीबार एकैदिन तोलामा ५ हजार ४ सय रुपैयाँले घटेको छ।
नेपाल सुनचाँदी व्यवसायी महासंघका अनुसार यस दिनका लागि सुनको मूल्य प्रतितोला ३ लाख २ हजार ३ सय रुपैयाँ कायम गरिएको छ। अघिल्लो दिन भने सुन ३ लाख ७ हजार ७ सय रुपैयाँमा कारोबार भएको थियो।
केही साता यता निरन्तर घट्दो क्रममा रहेको सुनको भाउ गत माघ १५ गते हालसम्मकै उच्च ३ लाख ३९ हजार ३ सय रुपैयाँसम्म पुगेको थियो।
त्यस्तै, चाँदीको भाउ पनि घटेको छ। अघिल्लो दिन प्रतितोला ५ हजार १५० रुपैयाँ रहेको चाँदी बिहीबार १४० रुपैयाँले घटेर ५ हजार १० रुपैयाँमा कायम भएको महासंघले जनाएको छ। चाँदी पनि माघ १५ गते ७ हजार ५०५ रुपैयाँको उच्च विन्दुमा पुगेको थियो।
सुनचाँदी
