काठमाडौं। धौलागिरि बेसक्याम्प नजिकै एभरेस्ट एयरको कार्गो हेलिकप्टर दुर्घटना भएको छ।
धौलागिरि बेसक्याम्पमा ल्याण्ड गर्ने क्रममा हेलिकप्टर दुर्घटनामा भएको पोखरा अन्तर्राष्ट्रिय विमानस्थल तथा नागरिक उड्डयन प्राधिकरण प्रमुख विक्रम गौतमले जनाएका छन्।
सो हेलिकप्टर बेसक्याम्पमा सामान लिएर गएको थियो। तर यथार्थ विवरण लिने प्रयास भइरहेको गौतमले बताए।
पाइलट प्रिया अधिकारीले कार्गो हेलिकप्टर लिएर गएकी थिइन्। बेसक्याम्पमा ल्याण्डिङ गर्ने क्रममा दुर्घटनामा परेको र पाइलट सकुशल रहेको पोखरा विमानस्थलका टावर कन्ट्रोलरले जनाएको छ।
प्रियाको उद्धारका लागि गएको एयर डाइनेस्टीको हेलिकोप्टर गएको छ। सो हेलीबाट क्याप्टेन अधिकारीलाई उपचारका लागि काठमाडौँ ल्याउने तयारी भइरहेको त्रिभुवन अन्तर्राष्ट्रिय विमानस्थलका प्रवक्ता जगन्नाथ निरौलाले जानकारी दिए।
दुर्घटनामा परेकी अधिकारी हेली क्षेत्रको दक्ष क्याप्टेनको रुपमा परिचत छन्।
