काठमाडौं । नेपाली बजारमा सुनको मूल्यमा बिहीबार भारी गिरावट आएको छ । नेपाल सुनचाँदी व्यवसायी महासंघका अनुसार एकैदिन सुनको मूल्य प्रतितोला ५ हजार ५ सय रुपैयाँले घटेको हो ।
महासंघका अनुसार बिहीबार छापावाल सुन प्रतितोला २ लाख ८५ हजार रुपैयाँमा कारोबार भइरहेको छ । बुधबार यही सुन प्रतितोला २ लाख ९० हजार ५ सय रुपैयाँमा किनबेच भएको थियो ।
केही समयअघि सुनको मूल्य प्रतितोला ३ लाख ४० हजार रुपैयाँसम्म पुगेको थियो । पछिल्लो समय भने लगातार ओरालो लाग्दै अहिले २ लाख ८५ हजार रुपैयाँमा झरेको महासंघले जनाएको छ ।
यस्तै, चाँदीको मूल्य पनि घटेको छ । बिहीबार चाँदी प्रतितोला २१५ रुपैयाँले घटेर ४ हजार ८६५ रुपैयाँ कायम भएको छ । बुधबार चाँदी प्रतितोला ५ हजार ८० रुपैयाँमा कारोबार भएको थियो ।
सुनचाँदी
