धनगढी। धनगढीको सिप तथा रोजगार मेलाबाट तालिम लिएकाहरूलाई नवजीवन सहकारीले बिना धितो ऋण दिने भएको छ।
धनगढी उपमहानगरपालिकाले आयोजना गरेको सिप मेलाबाट तालिम लिएकाहरूलाई नवजीवन सहकारी संस्थाले बिना धितो ऋण दिने भएको हो।
नवजीवन सहकारी संस्थाका अध्यक्ष देबबहादुर बमसहितको टोलीले तालिम लिदै गरेकाहरूसँग व्यवसाय गर्न नवजीवनले ऋण सहयोग गर्ने बताएको छ। नवजीवन सहकारी संस्थाले समूहमा ऋण लिनेहरूका लागि धितो आवश्यक नपर्ने तर, व्यक्तिगत रुपमा ऋण लिनेहरूका लागि भने धितो आवश्यक पर्ने बताएको छ।
नवजीवन सहकारी संस्था लिमिटेड, धनगढीका अध्यक्ष देबबहादुर बमले सिप तथा मेलामा तालिम लिदै गरेकाहरूसँग बिना धितो ऋण दिन सकिने बताएका हुन्। जसका लागी धनगढी उपमहानगरपालिका क्षेत्रका प्रशिक्षार्थिहरूलाई एक समूह बनाउने र कर्मचारी नै मेलामा पठाइर ऋणको प्रक्रिया सुरु गर्ने बताएका छन्।
धनगढीको नवजीवन सहकारीमा ३८.९ प्रतिशत महिलाहरु छन्। महिलाहरूले समूहगत रूपमा ५० हजारदेखि माथि ऋण सेवा लिन सक्ने सहकारीले बताएको छ।
धनगढी उपमहानगरपालिका सिप मेला
